Google+, në ofensivë

Shërbimi social i Google, Google+, pas hapjes për opinionin e gjerë po shënon popullaritet gjithnjë e më të madh. Nga kjo kompani thonë që këto ditë kanë tejkaluar shifrën prej 50 milionë shfrytëzuesish, ndërsa që prej hapjes për publikun e gjerë javën e kaluar në këtë rrjet janë regjistruar deri dy milionë anëtarë të rinj çdo ditë.

Kjo paraqet rritje prej 4 për qind të numrit të shfrytëzuesve në baza ditore, me çka ky rrjet po bëhet gjithnjë më i madh dhe i vetmi konkurrent serioz i Facebookut. Statistikat e kompanisë Experian Hitwise janë edhe më impresive – sipas të dhënave të kësaj kompanie vizitueshmëria e faqeve të Google+ është rritur për 1269 për qind në javën e parë që u hap për publikun e gjerë. Facebook tani për tani ka 800 milionë shfrytëzues.