Apple ka prezantuar modelin e ri RI IPHONE 4S

Nuk do të ketë IPHONE 5, të paktën jo njëherë.

Kompania “Apple”, në një nga konferencat më të pritura, ka prezantuar pasardhësin e iPhone 4, që e ka vetëm një S më shumë. 4S, është version më i fuqishëm, por edhe më i lirë i modelit ekzistues, 4. i Phone 4S, është i ngjashëm me iphone 4 në dukje, ndërsa përmban procesor A5 dual core dhe është 2 herë më i shpejtë. Bateria e iPhone 4S është 8 orë bisedë. iPhone 4S është për rrjetet GSM dhe CDMA, duke e bërë kështu një telefon "mbarëbotëror". Sensori i këtij telefoni është 8 megapixelë, që do të thotë se ka rezolucionin prej 3264x2448. Një nga risitë, është aplikacioni i quajtur Siri, që ju mundëson flisni iPhone-it tuaj, sikur të ishte një qenie njerëzore. Konkurrentët e i Phone, më herët kanë filluar me mundësi të ngjashme sikur Siri, por me kufizime më të mëdha, që e bëjnë iPhone 4S, një konkurrent të denjë në këtë drejtim. Çmimet e iPhone 4S për Amerikë do të jenë 199 $ për 16 gb, 299 për 32 dhe 399 për iPhone 64 gb.