Dell paralajmëron telefon të avancuar Streak Pro

 
Dell ka vendosur që të kyçet në luftë kundër telefonave të avancuar më të mirë në treg me modelin Streak Pro 101DL, të cilin e karakterizon ekrani Super AMOLED 4,3” me rezolucion 540x960 pixelë, procesori dybërthamësh me 1,5 GHz dhe kamera me 8 megapixelë.

Karakteristikat tjera përfshijnë përkrahjen për kartelat microSDHC, Internet pa tela, peshon 140 gramë (nëse i intereson dikujt) dhe faktin që krejt këto do të punojnë me ndihmën e sistemit operativ Android 2.3 Gingerbread.

Së pari do të paraqitet në tregun japonez në janar të vitit të ardhshëm, ndërsa për vendet tjera me siguri që do të zgjerohet më vonë.