Memorie të reja nga SanDisk

SanDisk ka prezantuar disa risi në ofertën e vet të memorieve USB dhe kartelave memorike.
USB memoria e re Cruzer Fit ka madhësi sa një monedhë metalike, për lidhje me kompjuterin shfrytëzon USB 2.0, ndërsa është në dispozicion me kapacitet prej 4,8 dhe 16 GB. Çmimi i modelit më të vogël është 25 dollarë (në SHBA). Cruzer Switch vjen pa kapak për konektorin USB, ndërsa është në dispozicion me kapacitet prej 2 deri 32 GB. Çmimi për modelin më të vogël është 20 dollarë.
Është prezantuar po ashtu edhe kartela memorike SDXC Extreme Pro me kapacitet maksimal prej 64 GB. Shpejtësia e leximit të të dhënave është 95 MB/s, ndërsa për shkrim është 90 MB/s. Çmimi i modelit 8 GB është 110 dollarë.
Në formatin microSDXC dhe me kapacitet maksimal prej 64 GB arrin kartela Mobile Ultra. Bartja e të dhënave bëhet me shpejtësi maksimale deri 30 MB/s, ndërsa çmimi i kartelës për tregun amerikan është 220 dollarë për kapacitetin prej 64 GB, përkatësisht 25 dollarë për kapacitetin më të vogël prej 4 GB./ Kekompjuter /