Numër gjithnjë e më i madh i përdoruesve të Google+

Google rrjetin e saj social e ka prezantuar gjatë verës së kaluar, ndërsa për të deri tani kemi lexuar informata të ndryshme – disa kanë lavdëruar numrin e madh të përdoruesve të këtij rrjeti, ndërsa disa të tjerë kanë thënë se shumica e tyre janë përdorues jo aktivë.

Informatat më të fundit që lidhen me numrin e madh të përdoruesve të këtij rrjeti social, thonë se numri i përdoruesve të Googlea+ në ditë rritet për 625 mijë dhe në fund të dhjetorit, numri ka arritur në 62 milionë – kështu së paku thotë Paul Allen (jo ai nga Microsoft), ekspert statistikash për Googlea+.

Ai thotë se numri i përdoruesve të këtij konkurrenti të Facebook-ut është rritur me të madhe javëve të fundit, ndërsa për këtë meritorë janë festat, përdoruesit e reklamës Android 4.0, numri gjithnjë e më i madh i personave të famshëm dhe brendeve që e përdorin dhe përvojat e mira të përdoruesve.

Nëse ky trend i rritjes së përdoruesve vazhdon, para Google-s dhe rrjetit të saj social, janë ditë të shkëlqyeshme, kështu që vlerësimet janë që deri në fund të shkurtit, numri i përdoruesve të kalojë 200 milionë, ndërsa deri në fund të vitit, kjo shifër pritet të arrijë në më shumë se 300 milionë./zeri/kekompjuter/