Google+ për të gjithë

Pas gati tre muaj testimi, Google+ është në dispozicion të të gjithëve. Deri tani qasje kanë pasur vetëm të përzgjedhurit, të cilët me sistemin e ftesës, kanë mundur t’u mundësojnë edhe të tjerëve që të provojnë këtë shërbim.

Shumë shpejtë Google+ ka arritur shifrën e 10 milionë përdoruesve dhe është lavdëruar nga të gjitha anët për shkak të mundësive të tij të reja. Pas një kohe të shkurtër, euforia ka shpërthyer dhe numri i anëtarëve po rritet.

Supozohet se numri momental i përdoruesve të Google +, sillet rreth 25 milionë. Por zyrtarët e këtij shërbimi thonë se projekti nuk ka përfunduar, por kanë hequr dorë nga testimi i versionit Beta.

Po ashtu, është paralajmëruar edhe mundësia e re e video-shoqërimit edhe në telefonat mobilë, i cili deri tani ka qenë i mundur vetëm për versionin për PC.

Për videobisedë nevojitet të keni telefon të mençur me kamerë të integruar dhe sistem operues Android, ndërsa mbështetja për iOS, do të arrijë së shpejti. Përveç kësaj, në Google + tani është integruar edhe shfletuesi i Google-s, me të cilin është mundësuar kërkimi direkt i përmbajtjes nga uebi dhe atij të karakterit social./Zeri/Kekompjuter/