Kompania “Gigabyte” e prezantoi modelin X11, laptopin me ekran 11.6-inç për të cilën pohon se është më e lehta më botë. Marrë parasysh që pesha totale e kësaj pajisje është gjithsejtë 975 gramë, pohimeve të “Gigabyte-t” edhe mund t’ju besojmë. Sa për krahasim, mbreti në klasën e laptopëve ultra të lehtë, MacBook Air i “Apple-s”, peshon 1.08 kilogramë.
Kjo peshë është arritur me konstruksionin e veçantë të shtëpizës të bërë nga kombinimi i fibrave të karbonit dhe aluminit.
Natyrisht në këtë pajisje, Gigabyte X11, nuk mund të prisni pjesë optike, por mund të gjeni në të 4 GB DDR3 RAM memorie, chipset-in e “Intel-it” atë HM77 me grafikën Intel HD 4000, WiFi dhe Bluetooth dhe ekranin me rezolucion 1366x768 pikselë.
Në Gigabyte X11 gjendet edhe USB 2.0 vrima, DisplayPort dhe microSD vrima nga ana e majtë dhe kombinimi i audios- dhe USB 3.0 vrimës nga ana e djathtë e pajisjes. Të gjitha këto që i ofron ky laptop do t’ju kushtojnë ndërmjet 999 dhe 1299 dollarë, së bashku me Windows 7 Home Premium apo Professional./zeri/kekompjuter/
0 comments:
Speak up your mind
Tell us what you're thinking... !