Dell u kthehet tablove

Edhe pse Dell para ca vitesh ishte njëra nga kompanitë e para që ka prezantuar kompjuterët tablo që punojnë në sistemin operues Android – modeli Streak i cili kishte ekran me diagonal 5 inç, kjo kompani me kalimin e kohës kishte hequr dorë nga tregu i tablove.

Mirëpo, për fundin e këtij viti, Dell përgatit modele të reja të tablove, por këtë herë kanë hequr dorë nga Android dhe në vend të tij do të përdorin sistemin operues të Windows-it, versionin më të ri.

“Tregu i tablove edhe më tutje është tejet i hapur”, mendon Steve Felice nga Dell, i cili beson se edhe përkundër dominimit momental të Apple-s dhe iPad-it, ky treg është mjaft i madh që edhe të tjerët të kenë sukses, respektivisht sistemet tjera operuese siç është Windows 8.

Felice ka lavdëruar aftësitë e shkëlqyeshme “touch” të Windows të ri dhe ka shtuar se ata tashmë kanë plan për tregun e tablove, por këto informata do të bëhen të ditura më vonë gjatë vitit./zeri/kekompjuter/