ASUS Eee PC 1025 Flare Netbook

ASUS ka prezantuar serinë e Netbook-ve Eee PC 1025 Flare, me procesorin e Intel-it, Atom Cedar Trail dhe me dizajn plotësisht të ri. Procesori më i ri Atom është me dy bërthamë dhe me takt pune prej 1.8GHz dhe ofron katër herë performanca më të mira grafike në krahasim me gjeneratën e kaluar, përkrah harxhimit më të vogël të energjisë.

Mbështet deri në 2 GB DDR3 të memories punuese dhe hard-disqet me kapacitet deri në 500 GB. Pronarët e këtyre Netbook-ve mund të përdorin edhe ASUS WebStorage për ruajtjen e të dhënave, ndërsa në dispozicion kanë 3 GB hapësirë. Ekrani i tij është LED me rezolucion 1024 x 600.

Eee PC 1025 ka teknologjinë ASUS Super Hybrid Engine II me Instant On, e cila mundëson që nga gjendja ‘sleep’, në regjimin punues të kalojë për vetëm 2 sekonda. Përveç kësaj, në gjendjen ‘standby’ mund të mbetet deri në tre javë.

Riprodhimi i video-materialeve në HDTV në rezolucion të plotë HD 1080p, është i mundur falë konektorit HDMI, ndërsa Eee PC 1025 mbështet edhe Blu-ray 2.0. Opsione të shumta për lidhje përfshijnë edhe USB 3.0, DLNA dhe Wi-Fi Direct si dhe kamerën 1.3 MP.