Facebook OpenGraph Actions, Pritet të prezantohet sot !

Facebook tashmë ka lansuar edhe zyrtarisht funksionet e reja, Timeline dhe Ticker, si pjesë të projektit të saj madhor, OpenGraph.
Mirëpo, tani Facebook është duke u përgatitur për funksionin e ri të OpenGraph, Actions, i cili do t’i shtohet projektit të saj për ri-dizajnimin e rrjetit social, thuhet në All Things Digital.
Prezantimi i veçorive të reja nga Facebook mund të ndodh që në ditën e sotme, ndërsa pritet që Facebook të zbulojë shërbimet e saj të reja të cilat janë aplikacione të krijuara nga zhvilluesit e jashtëm, të cilat do të mundësojnë edhe më shumë shpërndarje të përmbajtjes në faqe.
Facebook ka organizuar një ngjarje e cila do të mbahet sot, ndërsa të gjithë presin që në këtë takim me gazetarët, rrjeti social do të ketë diçka interesante për të prezantuar në publik.