Facebook për Mango

 
Ka arritur Facebooku i ri për Windows Phone 7. Ky aplikacion shfrytëzon përparësitë që sjell versioni Mango i sistemit operativ të Microsoftit.

Mes tjerash, aplikacioni ka edhe mundësinë e “gozhdimit” të mundësive individuale në formë të “pllakëzave” në ekranin fillestar. Prej mundësive të tjera, theksohen notifikimet e avancuara, ndërsa sipas prodhuesit, aplikacioni do të duhej edhe të punonte më shpejt.

Windows Phone 7 ka të integruar mundësinë e vendosjes dhe shikimit të statusit, komunikimit të porosive të Facebook dhe integrimin me kontaktet. Për mundësi më të avancuara shfrytëzohet aplikacioni i veçantë i dedikuar për këtë rrjet social.