Sa kushtojnë pjesët e iPhone 4S

Kompania UBM Techinsights ka bërë një analizë të pjesëve nga të cilat përbëhet iPhone i ri. Sipas vlerësimit të tyre, iPhone 4S me 32 GB në prodhim kushon 203 dollarë (vetëm pjesët).

Pjesa më e shtrenjtë, me çmim prej 38 dollarësh, është memoria flash me kapacitet prej 32 GB. Pason ekrani i cili kushton 31 dollarë, dhe më pas procesori A5 çmimi i të cilit vlerësohet në 26 dollarë. Kamera në modelin e ri është më e shtrenjtë për katër dollarë, ndërsa modulet për komunikim pa tela tetë dollarë.

Çmimet e pjesëve të iPhone 4 tashmë të “vjetër” me kapacitet prej 8 GB vlerësohen në 156 dollarë. Analistët besojnë që Apple me çmimin shitës prej 100 dollarësh sakrifikon një pjesë të profitit./koha/kekompjuter