Vizioni i Intelit për superkompjuterët e së ardhmes

Kaliforni, 27 qershor - Në konferencën ndërkombëtare superkompjuterike (International Supercomputing Conference – ISC) në Hamburg, përfaqësuesit e Intelit prezantuan vizionin e tyre për kompjuterët ExaFLOP/s.

ExaFLOP/s është një trilion operacione me presje dhjetore në sekondë, ose përafërsisht 100 herë më shumë se superkompjuterët më të fuqishëm tani. Për të arritur peformansa të tilla përfaqësuesit e Intelit theksojnë që nevojitet qasja e demonstruar në arkitekturën e tyre Many Integrated Core (MIC). Produkti i parë i Intelit i bazuar në arktitekturën MIC, me emrin e koduar Knight Corner, do të duhej të prodhohej me proces 22-nanometërsh me tranzistorë 3-D Tri-Gate, ndërsa Inteli tashmë ua liferon partnerëve platformën përkatëse zhvillimore softuerike me emrin e koduar Knights Ferry.

Në Inteli pritet që deri më 2013 superkompjuteri më i shpejtë në botë të ketë më shumë se 1 milion procesorë, ndërsa ky numër deri më 2105 do të duhej të dyfishohet, kurse deri në fund të dekadës do të duhej të arrijë në 8 milionë copë. Performansat e sistemeve më të fuqishme në listën Top500 do të duhej që deri në vitin 2015 të arrin në 100 PetaFLOP/s, gjegjësisht biliarda operacione me presje dhjetore në sekondë, ndërsa kufiri prej një ExaFLOP/s do të duhej të kapërcehej gjatë vitit 2018. Deri në fund të dekadës superkompjtuerët më të shpejtë në botë do të duhej të kenë performansa më të mëdha se 4 ExaFLOP/s.