CyberLink me PhotoDirector 2011 për përpunim të fotografive

New York, 28 qershor - CyberLink ka plasuar veglën gjysmëprofesionale për përpunim të fotografive, PhotoDirector 2011, me të cilën kjo kompani e fokusuar deri tani vetëm në video softuer, për herë të parë futet në tregun për përpunimin e fotografive.

PhotoDirector 2011 ka përkrahje native për formatin RAW nga fotoaparatet Canon dhe Nikon dhe, përveç opsioneve themelore si përmirësimi i ngjyrave dhe qartësimi, përmban edhe veglën për përpunim të objekteve individuale në fotografi, ashtu që automatikisht detekton skajet e tyre.

Ky program ka edhe mundësinë e editimit më të lehtë, jodestruktiv i cili ju mundëson që të eksperimentoni me filterë, efekte dhe aksione të tjera të ndryshme pa bërë ndryshime në fotografinë burimore.

Versioni testues mund të merret nga sajti i CyberLink, kurse versioni i plotë kushton 99,95 dollarë