Asteroidi kalon pranë Tokës

Një asteroid i posazbuluar do të kalojë sot pranë planetit tonë në largësi prej “vetëm” 13.000 kilometrash. Asteroidi, i cili është zbuluar para disa ditësh, quhet 2011 MD dhe është dyfish më i madh sesa shumica e asteroideve që deri më tash janë vërejtur në afërsi të Tokës.
Ai ishte zbuluar nga teleskopi automatik në kuadër të programit shkencor “Linear”, i cili detekton objektet kozmike në afërsi të planetit tonë.
Programi “Linear” drejtohet nga shkencëtarët e Institutit teknologjik në Masaçusets (MIT), ndërsa financohet nga aviacioni amerikan dhe NASA.
Thuhet se Asteroidi 2011 MD gjatë kalimit nuk do të hyjë në atmosferën tonë, andaj nuk konsiderohet i rrezikshëm për Tokën. Megjithatë ekziston një mundësi e vogël që mund të godasë ndonjë satelit të bërë nga njeriu.
Banorët e hemisferës jugore me ndihmën e teleskopit do të kenë mundësi që ta shohin asteroidin./Kosovapress/