FaceBook i shndërron pëlqimet (Like) tona në shpallje

Me rastin e regjistrimit në "Facebook", në këtë rrjet më të njohur social thuhet se ai është pa pagesë dhe se i tillë do të mbetet gjithmonë. Nga ana tjetër, ai është plot me reklama, shpallje dhe si qëndrojnë gjërat do të ketë edhe më shumë. Ekipi nga "Facebook"-u ka paraqitur format e tij të reja të marketingut në shërbimin e tij. Faqet e sponsorizuara prej tani do t'u paraqiten shfrytëzuesve varësisht nga aktiviteti i tyre. Për shembull, nëse gjatë ndonjë dite vizitoni sajtet e ndonjë brendi të njohur, e në to në të njëjtën ditë regjistrohet edhe ndonjëri ndër miqtë tuaj në "Facebook", atyre do t'u tregohet aktiviteti juaj në pjesën për shpallje. Përpos pëlqimeve, shpalljet (reklamat) do të aktivizohen edhe 'regjistrimet' tuaja në lokacione të caktuara me anë të "Facebook Places" (ky aplikacion ende nuk është aktivizuar te ne).